2020-2021 оқу жылының ІІ жартысында
оқу процесін ұйымдастыру
Құрметті студенттер!
Береке гуманитарлық-техникалық колледжі 2020 жылғы 28 желтоқсандағы "Коронавирустық инфекцияның таралуына байланысты шектеу шаралары кезеңінде білім беру ұйымдарында оқу процесін жүзеге асыру жөніндегі әдістемелік ұсынымдарды бекіту туралы" Қазақстан Республикасы Білім және ғылым министрінің 2020 жылғы 13 тамыздағы № 345 бұйрығына енгізілген өзгерістерге сәйкес оқытуды ұйымдастырудың мынадай тәртібі анықталды:
– Барлық мамандықтар бойынша 1 курс студенттері үшін оқу сабақтары 2021 жылғы 25 қаңтарда аралас форматта басталады (сабақтардың 30% - онлайн, 70% - санитарлық режим мен әлеуметтік қашықтықты сақтай отырып, күндізгі форматта).
Covid-19, өкпе пневмониясыны немесе басқа да вирустық аурулардың белгілері болған жағдайда студент растайтын құжатпен қашықтықтан оқытуды жалғастыру туралы өтініш береді. Әкімшілік келіп түскен өтініштерді қарайды және шешім шығарады, ол білім алушының назарына жеткізіледі.
- Ағымдағы оқу жылының екінші семестрінде 2-4 курстағы оқыту форматы әдістемелік ұсынымдарға сәйкес 2020-2021 оқу жылының бірінші жарты жылдығындағыдай бұрынғыдай сақталады.
Оқыту топтың екінші семестрге арналған кестесіне сәйкес, басқа бұйрықтар алынғанға дейін жалғасады.
ҚО ұйымдастыру колледж білім алушыларымен https://zhambyltipo.kz/ платформа арқылы жеке және (немесе) топтық жұмыс жүргізіледі, оның ішінде ақпараттық-коммуникациялық технологиялар мен телекоммуникациялық құралдарды қолдана отырып жүзеге асырылады.
Әрбір оқытылатын пән бойынша жеке-жеке жалпы чат құру (оқытушының келісімі бойынша) және оған пән оқытушысын қосу қажет.
Штаттық режимді ұйымдастыру кезінде:
- Семинар, практикалық және зертханалық сабақтарды өткізу кезінде аудиториялардың толымдылығы 15 адамнан аспайды , немесе әлеуметтік қашықтықты ескере отырып, 50% – 1,5-2 м.
- Оқу топтарының үзілістерде қиылыспауын қамтамасыз ету үшін өзгерістердің жылжымалы кестесі белгіленген. Кестеде аудиторияларды санитарлық өңдеу, соның ішінде ауаны залалсыздандыру және желдету үшін оқу сабақтары арасында 10 минут үзіліс қарастырылған;
- Қатаң маска режимін сақтау.
- Оқу сабақтары кезінде желдету;
- Ортақ пайдаланылатын жабдықтардың беттерін тұрақты дезинфекциялауды жүргізу;
- Кітапханада және білім алушылардың басқа да орындарында санитарлық шаралардың сақталуын қамтамасыз ету;
- Коронавирустық инфекцияның таралуына жол бермеуге байланысты шектеу шаралары кезеңінде іс-шаралардың барлық түрлерін, оның ішінде мәдени, тәрбиелік, бұқаралық спорттық іс-шараларды өткізуді шектеу.
